Fasteignasalan Garður 

Vorum að fá í sölu fjögur samliggjandi 166,7 fm atvinnubil (merkt 0103, 0104, 0105, 0106) við Vesturbakka 1, á besta stað í Þorlákshöfn. Húsið er staðsteypt með innkeyrslu hurðum beggja vegna, steyptu millilofti að hluta með steyptum stiga upp.  Iðnaðarbil sem býður upp á fjölmarga útfærslumöguleika og hægt er að sameina bil.

ALLAR NÁNARI UPPLÝSINGAR VEITIR HALLDÓR FREYR LÖGGILTUR FASTEIGNASALI Í SÍMA 693-2916 EÐA TÖLVUPÓSTI [email protected]
 
Neðri hæðin er opið rými en möguleiki er að skipta því niður og nýta rýmið sem tvö bil með sér innkeyrsluhurðum fyrir hvort. Gólfflöturinn er 120,4 fm. Snyrting er á neðri hæðinni og einnig blöndunartæki til að nota við innkeyrsluhurðina að framanverðu.  Að framanverðu er hurðin 3,5 m h og 4 m b. Að aftanverðu er hún 2,9 m h og 3 m b. Gönguhurðir eru við hlið innkeyrsluhurða beggja megin húss.
 
Milliloft: Steypt milliloft (46,3 m2) er að bakatil í húsinu með steyptum stiga upp og tveimur stórum gluggum í vestur. Þetta milliloft er hægt að stúka alveg af frá hinum rýmunum því það er sér gönguhurð beint á móti stiganum. Flóttaleið er út um glugga og ofan á þakskyggni fyrir ofan inngönguhurð. Þarna er gert ráð fyrir að hægt sé að setja upp skrifstofu með eldhúsi, wc og sturtu.
 
Lóð afhendist malbikuð.  Merktur sérafnotaflötur fylgir beggja megin við húsið, þar sem gert er ráð fyrir bílastæðum.  Fyrir aftan hús er að auki pláss fyrir tvo 20 feta gáma á sérafnotafleti og er rafmagn lagt þangað til að hægt sé að stinga einhverju í samband þar. Há girðing sem ekki sést í gegnum er á lóðamörkum sem snúa í vestur í átt að íbúðabyggðinni.
 
Útveggir, milliloft og stigi upp á milliloftið er staðsteypt. Gólfplata vélslípuð. Skilveggir á milli rýma eru að hluta steyptir og að hluta léttir. Þar sem þeir eru léttir eru þeir 20 sm þykkir og einangraðir með steinull, klæddir með 25 mm spónaplötum, sem þýðir að hljóðvist er góð (mannamál berst ekki milli bila) og hægt er að hengja hillur oflr. á veggina.  Þakið er byggt upp af límtrésbitum, yleiningum með steinullareinangrun og með tvöföldum bræddum tjörupappa ofaná, sem kemur í veg fyrir hávaða þegar rignir á þakið. Útveggir eru einangraðir með steinull og klæddir að utan með báruáli, litir utanhúss er RAL 7016 (dökkgrátt). Gluggar og hurðir eru danskir timbur/ál-gluggar/hurðir frá Ideal Combi. Vandaðar rennihurðir koma frá Wisniowski í Póllandi.
 
Hitun: Húsið er hitað með gólfhitakerfi innsteypt í gólfplötu, bæði á efri og neðri hæð. Neysluvatnslagnir eru rör í rör kerfi lagt í fyllingu undir gólfplötu. Frárennslislagnir eru lagðar í fyllingu í undirstöðum og tengjast heimæð við lóðarmörk, gert er ráð fyrir að hægt sé að tengja mengunarbúnað við frárennslislagnir.
 
Raflagnir:  Aðaltafla er staðsett í inntaksrými, sem er sameiginlegt rými. Raflagnir eru ýmist innsteyptar í gólfi og/eða utanáliggjandi á veggjum/lofti.  Lagðar eru pípur frá inntaksrými að hverju bili þar sem greinatafla tekur við.
 
Afhending:  Stutt er í að bilin séu klár til afhendingar. Lokafrágangur utanhúss er í gangi og lóðin verður svo tekin í vor.  Bilin eru afhent skv.teikningum, máluð og með lýsingu.
 
Skipulagsgjald: Kaupandi greiðir skipulagsgjald þegar það verður lagt á. Skipulagsgjaldið er 0,3% af væntanlegu brunabótamati.

 

Um skoðunarskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum.Fasteignasalan Garður bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að greiða vegna kaupa:
1. Stimpilgjald af kaupsamningi er 0,8% af heildarfasteignamati hjá einstaklingum. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi - 1,6% af heildarfasteignamati hjá lögaðilum.
3. Þinglýsingargjald af kaupsamningi, afsali, veðskuldabréfi, mögulegu veðleyfi o.fl. - kr. 2.700 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu skv. kauptilboði.

www.fastgardur.is |  Bæjarhraun 12 | 220 Hafnafjörður | Fasteignasalan Garður